Aspaldi antzeztu ez duen obra

Nire plastikako azken lana egur zati batean egin dut. Behar nituen zatiak moztu, pegatu eta margotu egin ditut tenperekin lan osoa eratu arte.




Erabili ditudan materialak hauek izan dira:
- Egurrezko taula - Tenperak - Kola - Zeloa - Kartoia - Pinotxo papera - Buztina - Azukrea - Paper zatiak - Plastilina


Eta erramintak: - Zerra elektrikoa - Lima - Arkatza - Pintzela - Guraizeak - Kuterra
 

Prozedura:

Lan honekin hasteko proiektu osoaren oinarria izango zen egur zatia bilatu eta nik nahi nituen neurriekin moztu nuen zerra elektrikoa erabiliz. Moztuta zegoenean tenpera berdearekin margotu egin nuen, belarra adierazi nahian. Oinarria lehortzen uzten nuen bitartean zuhaitza izango zena egiten hasi nintzen. Egin nuen lehenengo gauza buztinezko hostoak izan ziren, lehortzeko denbora luzea behar dutela nekien eta. Ondoren zuhaitzaren kopa egin nuen. Kartoi zati batean zuhaitz baten itxura egin nuen eta kuterra eta artaziak erabiliz moztu egin nuen. Gero, moztuta neukan zuhaitz forma hura beste kartoi batean jarri eta arkatz batekin berdina zen beste mat marraztu nuen. Biak lortu nituenean bati beheko erdialdea moztu nion gorantz marra bat eginez, eta besteari goiko erdialdea, behera marra bat eginez. Horrela biak elkarrekin pegatzeko ahalmena izan nuen, kola erabiliz. Behin hori eginda nuenean tenpera berdez margotu nuen. Zikatzen uzten nuen bitartean zuhaitzaren enborra egin nuen, kartoi zati batzuk pinotxo paper marroiarekin estali nuen kola eta zeloarekin. Horri lehortzeko denbora emateko egindak nituen buztinezko hostoak margotu eta bakoitzari abestiko esaldiren bat ipini nion ondoren zuhaitzaren goiko aldean pegatzeko. Hori egin nuenean kopa eta enborra pegatu nituen eta beranduago egurrezko oinarriari pegatu ere.Oinarria bi zatitan zatitu nuen tenpera beltza erabiliz, batean azukrea bota nuen, eta bestean berriz paper zati txiki berdeak. Marra beltz horren erdian kartoizko bihotz gorri bat jarri nuen, zuhaitzean apoiatuta zegoena.




Esanahia, abestiarekin lotura: 


Nire lanaren esanahia “Negua joan da ta” abestiarekin lotura handia duela uste dut, edo behintzat, izatea zailatu naiz. Lehen esan dudan bezala, proiektua bi zatitan zatitu dudala esan daiteke, batean azukrea bota dut, negua adierazten duela, elurra, eta bestean paper zati berdeak bota ditut, hauek udaberria edota uda adierazten dutenak. Abestiak pertsona bat maitemindua egon zela esaten du, eta erlazio hori bukatu zenetik ez duela besterik eduki, baina orain, sentimendu berriak sentitzen hasi da, sentimendu onak, bereziak, berriz ere maitemintzen hasia dela. Baina beldur da. Beldurra sentitzen du bere bizitzan pausu berri hori emateko, sentipen on eta berri haiengana abiatzeko geroz eta gehiago gustatzen zaizkion arren. Azkenean, poliki poliki bide berria jarraitzen du, negua alde batean utzi, iragana, eta orainaldia bizitzea erabakitzen du. Beraz hori da nik isladatu nahi izan dudana marra beltzean bihotz bat jarriz, nola hasieran pertsona hori ez zen gai orrialdez pasatzeko, nola neguaren, iragana zela, eta udaren, orainaldia eta etorkizuna zela, erdian zegoen, zer egin jakin gabe, pausua eman edo ez bere buruari behin eta berriz galdetuz.